جار الغدار
الزمن درسنا والقدر حابسنا
مغدورين حنا بوطنا
اندك الباب علينا
كلنا منو
كالو
داعش من جميع البلدان
افتح الباب
اليوم مؤامرة على وردة كوردستان
الي رحب بقدوم داعش
والي هلهل بتفجير داري وكطع راس اخواني
اسأل الي غدرو بسنجار
شلونكم بعد هي المجزرة وخيانة اهاليكم
تريدون داعش بدينكم؟
نبيكم وصى على سابع جار وانتو تكطعون بروس اهاليكم
يا غدار يازمان شنو راح يصير موقفكم اذا يسألكم نبيكم
عجبكم دين داعش
دم
وكتل
واغتصاب
واياتهم الدجالة المكشوفة كلهى بحقد ملفوفة
كولولي هذا هو الاسلام بدينكم؟
تفرحون بموت اليزيدي
وماكو ظمير يأنب بيكم؟
صحيح ماي داعش جنتو عطشانين
وخبز داعش جوعانين
ودم اليزيدي يمر من جوى رجلينكم
تعرفون هذا البغدادي الي يشرط عليكم
اصول الذبح بسجين واغتصاب وغدر اهليكم
اليزيدية اخوانكم بلعراق وتكوين
واليوم صارو غربة مو منكم وبيكم؟
من عمت عينكم ياغدارين
اليزيدية صارو ضحية بدينكم
الموت درب مشينا
من ايران الى تركيا
ومن سوريا الى عراقنا
بلاد الرافدين
وابد ماعشنا بسلام ولا بامان
اه يادنية
الظلم كثر والغدر ما غفر
عشنا سنين وياهم وشفنا ياما الاذية
والذنب مو كوردستان
لو ماجان الاسلامي يغدر بية
لش هذا الغدر مو جنا نقاتل سوى ومايوم خناكم
البارزاني يهتف ويكول الاكراد يزيدية
لعت لش التفريق بدين وبلهوية
اشتاكت ياكوردستان
لو اسمع اليوم
اشتاكت يابارزاني
لو اسمع اليوم
الوطن النا وماكو فرق
لا بدينا ولا بكوردستانا
ان شاء الله النصر قريب النا
الشاعر: باسل دناني
Aucun commentaire:
Enregistrer un commentaire